«Mozo de 26 anos, sentenciado por mor dun alzhéimer precoz, desexa lanzarse á estrada para unha última viaxe. Busco compañeiro/a de aventuras». Son as primeiras palabras do anuncio que Émile publica en liña un día de finais de xuño. Decidiu fuxir do hospital, da compaixón que ve nas caras da súa familia e dos seus amigos. Non espera realmente que ninguén responda, pero equivócase. Tres días máis tarde, fronte á autocaravana que comprou para a escapada espéralle Joanne, unha muller cun gran chapeu negro, sandalias douradas, unha mochila e ningunha gana de dar explicacións sobre a súa presenza alí. Así comeza unha incrible aventura. Un camiño de reencontro co mundo e coa xente. Un percorrido de autodescubrimiento do que brotará alegría, medo, amizade e un amor que aos poucos perforará a coraza da dor de Émile.